Інтэрактыўная гульня “Знаўцы беларускай мовы”, прысвечаная Міжнароднаму дню роднай мовы

Родная мова пранікае ў чалавека ад зямлі, на якой ён нарадзіўся, ад людзей, сярод якіх ён жыве, ад бацькоў, якія далі яму жыццё і выгадавалі. У мове гучыць сэрца і душа народа. Захаванне роднай мовы патрабуе пастаянных намаганняў і ўвагі. У гэтым яшчэ раз упэўніліся вучні Ліцэя МНС, калі 20 лютага прынялі ўдзел у інтэрактыўнай гульні "Знаўцы беларускай мовы" з нагоды Дня беларускай мовы . Усе навучэнцы пераканаліся, што кожнае слова ў нашай мове мае свой колер, і смак, і пах. Асабліва актыўнымі былі ліцэісты 2 і 4 курсаў: Голуб Раман, Чарнапятка Арцем, Назараў Алег, Дамарадаў Андрэй, Міхневіч Аляксандр, Салавей Аляксандр, Якубоўскі Арсенй. Вучні з захапленнем рашалі рэбусы, адгадвалі шарады, тлумачылі значэнні слоў.

 
Наша мова – гэта скарб, які трэба берагчы. Трэба памятаць: кожнае вымаўленае слова па-беларуску – гэта павага да Радзімы. Мова – гэта не толькі сродак зносін, але і люстэрка душы. Будзьце гордымі за сваю мову: яна прыгожая, мяккая і моцная.