Пайшла, ніколі ўжо не вернешся, Алеся.
Бывай, смуглявая, каханая, бывай.
Стаю на ростанях былых, а з паднябесся
Самотным жаўранкам звініць і плача май.
6 лютага спаўнілася 110 гадоў з дня нараджэння народнага паэта Беларусі, публіцыста, перакладчыка, кінасцэнарыста і грамадскага дзеяча Аркадзя Куляшова. Паэтычны талент Куляшова абудзіўся рана. Пісаць вершы ён пачаў з сямі гадоў. Калі паэту было 16, выйшаў яго першы зборнік «Росквіт зямлі». Вершаванае слова Аркадзя Куляшова займае адно з пачэсных месцаў не толькі ў нашай, але і сусветнай літаратуры.
З нагоды важнай даты пяцікурснікі падрыхтавалі для навучэнцаў ліцэя паведамленне-прэзентацыю пра жыццё і лёс выдатнага паэта. На ўроках яны расказвалі пра цікавыя і малавядомыя факты з біяграфіі Аркадзя Аляксандравіча. Слухачам спадабалася гісторыя стварэння верша «Бывай...», але паслухаць «Яўгенія Анегіна» на беларускай мовещ перакладзе Куляшова стала для вучняў самым цікавым і нечаканым.
< Предыдущая | Следующая > |
---|